Ubusi bubomi kumafama aseTopiya

Ilizwe laseTopiya lihamba phambili ngokuvelisa ubusi kwilizwekazi laseAfrika.

I-International Chamber of Commerce ithi ela lizwe livelisa ubusi obukumashumi amabini anesithandathu eepesenti ekhulwini. Kuthiwa ilizwe laseTopiya laqala ukuvelisa ubusi ngeminyaka yo3000 ukuya ku3500 BC.

Amashumi alithoba eepesenti ekhulwini wobusi obuveliswa eTopiya buveliswa ngokusebenzisa iindlela zakudala zokusebenza. Ubusi obuveliswa eTopiya kuthiwa buhamba phambili ngencasa nangomgangatho xa buthelekiswa nobusi bamanye amazwe.

Amafama obusi eTopiya angamalungu wombutho weZenbaba Bee’s Product Development. IZenbaba yasungulwa ngeenjongo zokuba incedisa amafama wobusi ngokuwavulela amathuba okuthengisa iimveliso zabo kwiimalike zehlabathi.

Ukusukela ngonyaka ka2011, umbutho wezizwe ezimanyeneyo usebenze neZenbaba ukuzama ukuxhobisa nokukhulisa amafama obusi eTopiya.

ITopiya ikwindawo yesine kwihlabathi ngokuba lelinye lamazwe aphambili ekuveliseni ubusi obufunwa kakhulu ngabantu behlabathi. Ela lizwe livelisa ubusi obukumashumi amane anesihlanu amawaka eetoni zobusi, emva kwalo kulandela iTanzania ngokwamanani kwilizwekazi laseAfrika.

Ubusi busetyenziswa kwizinto ezityiwayo njengoko incindi yayo inezakhamzimba, kwaye ikwasebenza njengencindi yokwenza iimveliso zokuthambisa ulusu nomzimba.

Liyakhula inani lamafama weli avelisa ubusi njengeshishini elingenisa imali, uRhulumente naye uyaqhubeka ukuxhasa la mafama.