INKQUBO ekhangela inkokheli yangomso, iOne Day Leader, iyabuya nesizini yesixhenxe kwaye izicelo zivuliwe kwabo banomnqweno.
Le nkqubo, njengaphambili, ikhangela abathathi-nxaxheba abaphakathi kweminyaka eli18 nama25.
Indlela inye ayikatshintshi: Abantu abatsha abathandathu baza kube bebonisa ngezakhono zabo zobunkokheli ngokuthi baqubisane ngemiba ephambili eMzantsi Afrika – kwezoqoqosho, ezentlalo nemiba yepolitiki ngelixa besilwela itayitile yeOne Day Leader.
Aba kufuneka bakwazi ukucinga, babe nemibono ekrelekrele ngokunjalo bakwazi ukuxoxa.
Ukuba ucinga kukhangelwa wena, kufuneka ube unezi zinto zilandelayo:
Kufuneka ubephakathi kweminyaka eli18 nama25;
Kufuneka ubenesazisi esiluhlaza soMzantsi Afrika;
Ube unalo ibanga lematriki;
Ube uzibandakanye neprojekthi ethile kwaye ubenepotfoliyo;
Ube uyakwazi ukuthetha ulwimi lwesiNgesi ngokuchanekileyo;
Ube ungakwazi ukuhlala eRhawutini iinyanga ezintathu;
Ube akunalungu losapho olusebenza eSABC.
Ukuze ungenele, ngena kwiWebsite yeSABC Education. Umhla wokugqibela wokufaka izicelo nguLwesihlanu, 17 kweyeThupha 2018.
UKhaka waseXesi wenze imbali kwiqakamba yaseMzantsi Afrika!