Abakwa-Engen bazingomba isifuna ngokuguqula iimpilo zolutsha!

Inkampani yakwa-Engen
izingomba isifuba ngethuba elinika ulutsha laseMzantsi Afrika ukuze luguquke
iimpilo zalo. Umphathi wakwa-Engen, uBulela Mkandawire, ukuthethe oku ngethuba evuyisana
neSuperSport United ebe ziintshatsheli ze-Engen Champ of Champs zika-2018. “Siyazingca
kakhulu singumzi wakwa-Engen ngokunika abadlali abasakhulayo ithuba
lokuqaqambisa izakhono zabo nokubonwa ngabantu abacholachola italente namaqela
aphambili eMzantsi Afrika. Siguqula ubumi babo. Huntshu kwiSuperSport United
ngokuphumelela itumente yalo nyaka,” utshilo uMkandawire.

Minyaka le,
uEngen uthi aququzelele itumente yebhola ekhatywayo ekuthi kudlale kuyo
abadlali abasakhulayo. Kwilizwe lonke, ewonke amaqela athathe inxaxheba
kwiEngen Knockout Challenge kulo nyaka angaphezulu kwamakhulu amabini
anamashumi amane anesihlanu (245). Amaqela athathe inxaxhe kwimidlalo
yokugqibela kulo nyaka ibe yiHellenic (Ntshona Koloni), iApex United (Mpuma
Koloni), iRoyal Eagles (KwaZulu-Natal)
neVirginia Sports Academy (Free
State). Amatsatsantsa a Pitori abethe iBidvest Wits
ngo’6-5 emva kokubambana ngo’1-1 kwimizuzu engamashumi asithoba kumdlalo
wokugqibela eHPC Sports Campus, ePitoli.

Nakubeni iSuperSport
United ingene kwisigaba sokugqibela setumente, umqeqeshi wayo uyincomile
indlela abadlali abasebenze ngayo. “Singene kule tumente kuba ibisithi iqela
elisingethe imidlalo yokugqibela. Ndiyavuya ngoba sibonisile ukuba siziintshatsheli
ezifanelekileyo,” utshilo uJunior Bhengu emva kokuphakamisa indebe. Ngaphandle kwebala
ebekudlalelwa kulo, abadlali bafumene ithuba elihle lokuxhotyiswa ngamazwi
enkuthazo nobulumko nguBrian Baloyi – indoda eyaziwayo eyayidlalela iBafana
Bafana neKaizer Chiefs ngeentsuku zayo. Umdlalo wetumente ibe ngLesley Kanyane
weWits. Umdlali obe namagowuli amaninzi ibe nguTendamudzumu Matodzi – logama uSphamandla
Gumede ebe ngunozinti oqaqambileyo kwitumente yonke.