Abalandeli
bakaLionel Messi baqumbile emva kokuba engacholanga naphantsi kumdlalo
we-Argentina wokuqala kwi-2018 FIFA World Cup namhlanje. Izolo, indoda
akhuphisana nayo, uCristiano Ronaldo, ibhakuzelise umnatha yatsho yafumana
amagowuli amathathu anceda iPortugal ebambene ngo’3-3 neSpain kumdlalo obutak’
iintlantsi. Namhlanje uMessi uvinjwe ithuba lokubeka ilizwe lakhe endaweni
entle ngethuba unozinti, uHalldorsson, ebamba ipenela yakhe kumdlalo ophele
i-Argentina ne-Iceland zibambene ngo’1-1 eMoscow Stadium. Omabini amagowuli
angene kwisigaba sokuqala somdlalo. Abadlali be-Iceland elilizwe elincinane
babonisile ukuba abayanga eRussia ukuyokongeza amanani.
Isiqingatha
sokuqala siphele amazwe ebambene ngegowuli macala. Ilizwe lase-Iceland lothuse
abantu abaninzi ngokumelana ngamandla neziqwayi zabadlali be-Argentina abaquka
uLionel Messi, uDI Maria noSergio Agüero. Iphelile imizuzu engamashumi amabini kwisigaba sokuqala
somdlali abadlali be-Argentina bengakwazi ukufumana igowuli – kodwa kuthe
sekungaseni uSergio Agüero wenza adume ngazo. Ufake ibhola entle ayibeke
ekoneni ibhola emva kokuvunyelwa ngabadlali be-Iceland abadlala emva. Kodwa
khange kuphele mizuzu mingaphi – uFinnbogason ufake igowuli lokulinganisa.
Abadlali be-Iceland
babuye betyhile emfeneni kwisigaba sesibini somdlalo kaGroup D. Bayixheshe ngamandla i-Argentina
ebingenazo iimpendulo. UMessi ucikwe ipenela nguHolldorsson ebinikwe
i-Argentina emva kokuwiswa komdlali wayo. Abekhona amathuba afunyenwe
ngabadlali be-Argentina – kodwa ayikwazanga ukugqobhoza kwade kwase
kugqibeleni. Umdlalo uphele ebambene ngegowuli elinye macala. Ilizwe lase-Iceland
lenze umsebenzi omhle kakhulu nakubeni kwisiga sesibini lingakwazanga kangako
ukuya phambili.
Salvio, Otamendi, Rojo, Tagliafico, Biglia, Mascherano, Meza, Messi, DI Maria, Aguero.
Saevarsson, Arnason, R. Sigurdsson, Magnusson, Gudmundsson, Gunnarsson, Hallfredsson,
Bjarson, G. Sigurdsson, Finnbogason.
Luthatha lubeka usapho obeluthenjiswe ngoncedo kumngcwabo womzali ogetyengiweyo!