Iqela lesizwe lebhola ekhatywayo labasetyhini, iBanyana Banyana, iphinde yabethwa kwakhona yiNetherlands kumdlalo wokulungiselela imidlalo ye-Olimpiki.
Amagowuli amabini afakwe nguVivianne Miedema ancede iNetherlands ukuba iphumelele ngo’2-0, kumdlalo wesibini wobuhlobo phakathi kwala mazwe mabini. INertherlands ibiphumelele kumdlalo womlenze wokuqala ngegowuli elinye eqandeni.
Umqeqeshi oyintloko weBanyana uVera Pauw, wenze utshintsho labadlali ababini kubadlali ababeqale kumdlalo wokuqala. Ufake uJermaine Seoposenwe noLinda Motlhalo bengena endaweni kaThembi Kgatlana noSanah Mollo.
UPauw ukholelwa ukuba ininzi into efundwe liqela lakhe kule midlalo mibini, kwaye asilohlazo ukubethwa kwabo.
“INetherlands ibekwa kwindawo yeshumi elinesithathu kwihlabathi kwibhola ekhatywayo yabasetyhini, sele besuka ukujika kwimidlalo ephambi kwamagqibela kankqoyi yendebe yehlabathi.
Yintoni uMthetho oYilwayo weBELA?