IChippa United
iphinde yenza edume ngazo. Namhlanje iqela laseMpuma Koloni lizenzele imbali
kwiPSL ngokuthi liqeshe umqeqeshi wesithathu kungekapheli nomjikelo wokuqala
kwisizini ka-2018/19. Namhlanje u-Eric Tinkler ukhonjwe emnyango ngabaphathi
beChippa United emva kokuba iChippa United ibethwe ngaMaZulu FC ngegowuli
elinye eqandeni (1-0) emdlalweni obuseNelson Mandela Bay Stadium, eBhayi,
ngoLwesihlanu ogqithileyo. UTinkler wangena ezinyaweni zikaDan Malesela owanikwa
uphum’aphele emva kwemidlalo emithathu qha kule sizini. Emva komdlalo
ogqithileyo, iChippa United izibhaqe ihleli kwindawo yesibini ukusuka emsileni.
Umphathi weChippa,
uLukhanyo Mzinzi, ukuqinisekisile ukumka kukaTinkler emalanga kwingxelo
ebhaliweyo. “SiyiChippa United sifuna ukuqinisekisa okokuba iqela no-Eric
Tinkler bagqibe kwelokuba bohlukane ngesihle. Siyambulela umsebenzi owenziwe
nguTinkler kwezi nyanga zine zidlulileyo kwaye simnqwenelela okuhle,” utshilo
uMzinzi. UJoel Masutha ubhengezwe njengomqeqeshi ozakuba libambela kude
kwaziswe umqeqeshi oza kuxhuzula imikhala ngokupheleleyo. UMasutha ufika
kwiChippa emva kokugxothwa yiBlack Leopards kwiiveki eziphelileyo. Kwimidlalo elishumi
elinambini, iChippa United iqokelele amanqaku alishumi kuphela. UTeboho Moloi
noVladislav Heric ngabanye babaqeqeshi abathe bagxizwa ngezembe yiChippa
kwakulo nyaka.
Useziseleni uGogo Maweni!