Abadlali beMamelodi Sundowns bazakuziqhawula phakathi iiholide ngenxa yokuxakeka kwabo.
Iintshatsheli ze-PSL zilungiselela imidlalo yeCaf Champions League ezakudlalwa phakathi kule nyanga.
IiBrazillians zabuyiselwa kule midlalo emva kokuba i-AS Vita Club yaseDRC yasikwa yiCaf ngenxa yokusebenzisa umdlali ongabhaliswanga kwimidlalo yokuqala yeChampions League.
Umdlalo wokuqala weDowns iwudlala neqela elibizwa ngokuba yiSetif yase-Algeria ngomhla weshumi elinesibhozo kule nyanga ngentsimbi yesithoba ebusuku. Amanye amaqela alindelwe yiSundowns yiZamalek ne-Enyimba.
Umqeqeshi weSundowns, uPitso Mosimane, ulithakazelele ithuba lesibini lokubuyela kwiChampions League ngoba unomnqweno wokugqugqisa ilizwekazi le- Afrika nangona kubonakala ngathi iseyeyona nto liyisokolayo nje iqela lakhe.
UHugo Broos uzityanda igila ngokudlalisa uVeli Mothwa izolo