Iziphumo zale mpelaveki zemidlalo ye-ABC Motsepe Leauge zizakuhlula amadoda emakhwenkweni, kwaye kuza- kubonakala ukuba leliphi iqela elizakuphumelela eMpuma Koloni.
Amaqela amabini aphezulu, iTornado FC, kwindawo yokuqala, iLion City kwindawo yesibini abambene ngamanqaku ayi 55. Omabini la maqela azakube edlalela ekhaya. NgoMgqibelo iLion City izakube isamnkela iFC Elliot, eBhayi, ngelixa iTornado izakube isamkela i-EC Bees eSisa Dukashe namhlanje.
IBees ibuye nenqaku elinye kumdlalo wayo weveki ephelileyo, xa bebedlala neFC Elliot, ngelixa iTornado iwafumene omathathu amanqaku xa ibibetha iMatta Milan ngamagowuli amathathu kwelinye.
Umqeqeshi weBees uChippa Njendu uthe: “ITornado idlala kakuhle ngalo mzuzu, kwaye idlalela kowayo namhlanje abasoze babetheke lula tu.”
Kuvulwe isikolo esixabisa iR106-million KwaMaxhama