Alikho iqela elivume ukubethwa emdlalweni wanamhlanje Moses Mabhida Stadium

IMamelodi
Sundowns iphose ithuba lokuvala umsantsa ophakathi kwayo neKaizer Chiefs ehleli
phezulu ngethuba idlala ntanganye ngegowuli elinye macala neBidvest Wits
emdlalweni we-Absa Premiership obubanjelwe eMoses Mabhida Stadium ebusuku
namhlanje. UPitso Mosimane udlalise abadlali abadlale umdlalo weTelkom
ngoMgqibelo odlulileyo ngaphandle kukaLyle Lakay ongene endaweni kaTebogo
Langerman emdlalweni wanamhlanje. Umdlalo utake iintlantsi zisuka njengoko
bekulindelekile. Igowuli leSundowns lifakwe sisiququ, uGaston Sirino, ofumene
ibhola entle kuThemba Zwane emva komsebenzi omhle owenziwe ngu-Andile jail obe
ngomnye wabadlali abadlale kakuhle emdlalweni wanamhlanje. Kuthe phambi
kokuphela kwesiqingatha sokuqala, uDeon Hotto ubhakuzelise umnatha – atsho amaqela
aya kwixesha lokuphumla ebambene ngegowuli elinye.

Aqhubele phambili
amaqela nokuzama amagowuli okuphumelela umdlalo – kodwa ngelishwa lawo,
abadlali abawasebenzisanga amathuba. Ngoku iSundowns idlale imidlalo elinganayo
neChiefs evule umsantsa wamanqaku alithoba. Nangani uGavin Hunt esenalo ithemba
lokuba iqela lakhe lingayifumana iChiefs – kodwa okwenzeke namhlanje kunciphise
amathuba weqela lakhe wokwenza lo nto. Kwiveki ephelileyo, iSundowns iphumelele
indebe yeTelkom emdlalweni obuseThekwini. Ukungaphumeleli kwayo namhlanje
kuyevakala ngoba isuka emdlalweni omkhulu kwiintsuku ezintathu ezidlulileyo. Ngoku
iSundowns ihleli kwindawo yesibini, ishiya iSuperSport United ekwindawo
yesithathu ngenqaku elinye.

 Wits: Goss, Macheke, Hlanti, Mkhwanazi, Hlatshwayo, Alexander,
Domingo, Monare, Motupa, Pelembe, Hotto.

Amalalela: Petersen, Douhadji, Nange, Doutie,
Khunyedi, Macuphu, Dzvukamanja.

Sundowns: Onyango, Morena, Lakay, Lebusa,
Madisha, Kekana, Zwane, Jali, Affonso, Mkhulise, Sirino.

Amalalela: Mweene, Arendse, Maboe, Ngcongca,
Makgalwa, Mabunda, Vilakazi.