EBhayi – Iqela lesizwe loMzantsi Afrika lombhoxo, Amabhokobhoko, liphinde lenza elidume ngazo
kwakhona. UMzantsi Afrika ucambalalise i-Australia kamnandi ngo‘23-12 kumdlalo
weRugby Championship obuseNelson Mandela Bay Stadium emalanga namhlanje.
Impumelelo yeBoks iza emva kwenye ebethe kuyo iNew
kutshanje. UMatt Toomua wenze impazamo kumzuzu wokuqala emdlalweni xeshikweni
ephosela ugxa wakhe uReece Hodge ibhola engamjonganga, kuthe gqi u-Aphiwe
Dyantyi oyixhwile wayokulala emgceni. Emva kokuba uHandre Pollard eqabelise ibhola,
Amabhokobhoko ahambe phambili ngesixhenxe eqandeni. UMzantsi Aafrika uphese
ithuba emva kokuba uSiya Kolisi ehambe umgama omde nebhola endaweni yokunika
uWillie le Roux obesendaweni entle kunaye.
Kumzuzu weshumi, uFaf De Klerk ulele emgceni emva
kokunyengezelwa ibhola nguPollard ophinde waqabelisa ipenela emva koko.
Amakhwenkwe kaMichael Cheika azuze amanqaku amahlanu emva kokuba uReece Hodge
elele emgceni okokuqala. Iphinde yaqhekaza iWallabies, kwimizuzu emibini
iphinda yazuza esinye isihlanu samanqaku emva kokuba uWill Genia elele emgceni.
Amakhwenkwe kaRasdie Erasmus engoze amanqaku emva kokuba uPollard eqabelise
ibhola kwakhona.
Ifumene ithuba lokuvala umsantsa iWalalbies emva kokufumana
ipenela kodwa uReece Hodge uyikhabele ecaleni. Emva koko Amabhokobhoko ahlasele
– kodwa alavuma idonga labadlali beWallabies. Uphinde wongeza esinye isithathu
uPollard kumzuzu wamashumi amane eqinisekisa ukuba oBoks iya kwixesha
lokuphumla inkqenkqeza phambili ngamanqaku anagamashumi amabini kwishumi
elinesibini leWallabies. Isiqingatha
sesibini sibenamanqaku amathathu kuphela, onke aze nenqina likaPollard. Amabhokobhoko
adlale umdlalo wanamhlanje ebhiyozela iminyaka elikhulu yokuzalalwa
kowayengumongameli uNelson Rolihlahla Mandela.
URulani Mokwena ulindele umdlalo onzima eTunisia