Zimbini iinguqu ezenziwe ngumqeqeshi weSpringbok phambi kowona mdlalo obalulekileyo weCastle Lager Rugby Championship ngempelaveki. Oku kuvele ngethuba uJacques Nienaber ebhengeza amagama wabadlali aza kuqala ngabo umdlalo xa AmaBhokobholo edibana etshatshalazeni neNew Zealand emdlalweni wesibini oza kube ubanjelwe eCBUS Super Stadium ngo-09:05 kusasa ngoMgqibelo. Amadoda aza kuqala umdlalo nguJasper Wiese no-Ox Nche, abangena kwiindawo ezishiywe nguFrans Malherbe noMarco van Staden abangazukudlala ngenxa yokonzala emdlalweni AmaBhokobhoko abethwe kuwo yiNew Zealand ngo’19-17 kwimpelaveki egqithileyo. UCheslin Kolbe, onethuba elide ngoku engasadlali ngenxa yokonzakala, ngeke abekho ngoba akakaphili ngokupheleleyo.
Nangona kunjalo, uNienaber akaxhalabanga kwaphela kwaye uwuncomile umsebenzi omhle owenziwe ngabadlali bakhe emdlalweni ogqithileyo. “Sikwazile ukuyiphucula indlela esidlala ngayo kwiveki ephelileyo. Besiyifanele impumelele emva kwalowa umsebenzi,” utshilo uNienaber. “Sigqibe kwelokuba sisebenzise iqela elingatshintshanga ngaphandle kwabadlali abonzakeleyo. Ngelishwa, uCheslin akakwazi ukuqala umdlalo ngoba akakaphili ngokupheleleyo emva kokonzakala kwiiveki ezigqithileyo,” utshilo umqeqeshi. Emva kokubethwa emidlalweni emibini, uNinaber ukugqininisile ukubaluleka kweziphumo ezihle emdlalweni olandelayo.
“Zisasikhathaza iziphumo esizifumene kwiiveki ezigqithileyo. Wonke umntu enkampini ukuqonda kakuhle ukubaluleka kokuvala imidlalo yeRugby Championship kakuhle. Umntu ngamnye kufuneka enze eyakhe indima ebaleni ukuze sikwazi ukufumana iziphumo ezihle. Sazi kakuhle ukuba umdlalo uza kubanzima kakhulu – kodwa into esikhuthazayo kukunxanelwa impumelelo. Kwiveki ephelileyo sidlale ngendlela yethu kwaye kufuneka sidlale umdlalo obhetele emdlalweni wangempelaveki. Siwulungele umdlalo kwaye siza kudlala ngokukhulu ukuzimisela,” uvale ngaloo mazwi uNienaber. UMatthew Carley waseNgilane uza kuphatha umdlalo wokugqibela ophakathi kweSpringbok neNew Zealand.
USamsung ukhuphe ekhasini oomanqanqa beefowuni eziphathwayo