Amakhosi angcwabe iStellenbosch ebesidubhudubhu okwenyama yedada eKapa

By
Pedro Mapelo
-
Samir Nurkovic of Kaizer Chiefs is challenged by Nkanyiso Zungu of Stellenbosch FC during the Absa Premiership 2019/20 game between Stellenbosch FC and Kaizer Chiefs at Cape Town Stadium on 27 November 2019 Ryan Wilkisky/BackpagePix

Amakhosi
angcwabe iStellenbosch ebesidubhudubhu okwenyama yedada ngemvula yamagowuli
amane eqandeni (4-0) emdlalweni we-Absa Premiership obubanjelwe eCape Town
Stadium namhlanje ebusuku. Kuthe qabu kubalandeli beKaizer Chiefs emva
kokukhutyekiswa liqela labo elibethwe yiMaritzburg United emdlalweni weTelkom
Knockout kwiveki ephelileyo. Amagowuli ephumelele ngawo iChiefs afakwe yifolosi
uSamir Nurkovic (amabini), amanye afakwenu nguSiyabonga Ngezana ngentloko noDumisani
Zuma ongene kwisigaba sesini somdlalo. Ngokufaka kwakhe amagowuli amabini,
uNurkovic uzuze iwonga lomdlali oqaqambileyo emdlalweni wanamhlanje. Ukupumelela
kwayo iChiefs kuthetha ukuthi isabethwa ngumoya phezulu emva kokuqokelela
amanqaku angamashumi amathathu ananye emidlalweni elishumi elinambini.

Umqeqeshi weChiefs,
uErnst Middendorp, ubuyise iziqwayi zakhe zabadlali ezifana noWillard Katsande,
uDaniel Akpeyi noKhama Billiat – abangadlalanga emdlalweni obuseMbombela
Stadium. Kwelakhe icala uSteve Barker uqale umdlalo ngabadlali abafana noJarrod
Moroole, uDean va Rooyen noKristopher. Kuyiwe kwixesha lokuphumla iChiefs
ihamba phambili ngamagowuli amabini emva kokulawula umdlalo. Akukho nanye
ibhola eye ku-Akpeyi esuka kwiStellenbosch kwisigaba sokuqala – lo nto iyachaza
okokuba iChiefs ibidlala yodwa. Noxa bekukho iintlantsana emdlalweni
weStellenbosch kwisigaba sesibini – kodwa kude kwaphela umdlalo kungekho nto
eyenzileyo ecacileyo. Kweminye imidlalo, iChippa United ivuthulule iBlack
Leopards ngo’3-0 emdlalweni obuseNelson Mandela Bay Stadium. Ngoku iChippa
isondele kuMaZulu abethwe yiSundowns izolo. Amatsatsantsa abethe iMaritzburg
United ngo’2-0, iGolden Arrows ibethe iBaroka ngo’1-0 yaze iBloemfontein Celtic
yadlala ntanganye ngeqanda neCape Town City.

Stellenbosch: De Jong, Bergman, Van Heerden, Robertson, De
Goede, Johannes, Zungu, Van Rooyen, Moroole, Isaacs, Rayners.

Amalalela: Langeveldt, Skelem, Moon, Franco,
Matsi, Mthethwa, Mobbie.

Chiefs: Akpeyi, Frosler, Cardoso, Ngezana,
Sasman, Katsande, Baccus, Parker, Billiat, Manyama, Nurkovic.

Amalalela: Bvuma, Maluleka, Castro, Kambole,
Ntiya-Ntiya, Zulu, Zuma

 

RELATED ARTICLESMORE FROM AUTHOR