Amakhosi oyiswe ngabadlali abalishumi beMaritzburg United

By
Pedro Mapelo
-
Siphelele Ntshangase (c) of Kaizer Chiefs challenged by Keagan Buchanan (l) and Siyanda Xulu (r) of Maritzburg United during the Absa Premiership 2018/19 match between Maritzburg United and Kaizer Chiefs at Harry Gwala Stadium, Pietermaritzburg on 17 August 2018 ©Samuel Shivambu/BackpagePix

Amakhosi
agoduke nenqaku elinye emva kokungakwazi ukoyisa abadlali abalishumi
beMmaritzburg United emdlalweni we-Absa Premier Soccer League obudlalela eHarry
Gwala Stadium. Umdlalo uphele ebambene ngeqanda la maqela mabini. USiphesihle Ndlovu
unikwe uphumaphele emdlalweni kumzuzu weshumi elinesihlanu umdlalo uqalile
kwisigaba sokuqala emva kokukhaba kakubi uSiyabonga Ngezana embandeni. Ithemba leKaizer
Chiefs lokufumana amanqaku amathathu okokuqala kule sizini liphelele emoyeni
nangona ibiyiyo ebilawula umdlalo.

USiphelele Ntshangase,
uHendrick Ekstein, uKhama Billiat noLeonardo Castro abakwazanga ukusebenzisa
amathuba aliqela avelileyo kwisigaba sokuqala somdlalo. Ukubhutyuza kwabadlali
beChiefs phambi kweepali kubanike amandla okubambelela emdlalweni abadlali bakaFadlu David kakhulu. Abadlali abafana
noSiyanda Xulu noKeagan Buchanan abebedlalela Amakhosi ngaphambili bayincedise
kakhulu iTeam of Choice odlale umdlalo ophucukileyo kakhulu namhlanje nakubeni
ibiphantsi koxinizelelo phantse umdlalo wonke.

Inqaku elifumeneyo
iMaritzburg United lelokuqala kule isizini emva kokubethwa kwimidlalo yayo
yokuqala. Kanti wona Amakhosi asaqokelele amanqaku amathathu qha kwimidlalo
emine ayidlalileyo kule sizini. Adlale ngokulingana neMamelodi Sundowns,
iBaroka FC neMaritzburg United – aze abethwa yiBidvest Wits ekelemileyo kule
sizini. Iinguqu ezenziwe nguGiovanni Solinas aziyincedanga iChiefs engakwazanga
ukugqobhoza udonga leTeam of Choice kwade kwasekugqibeleni. Akukho nto ingako
eyenziwe yiMaritzburg ngaphandle kwemingqandandana yamathuba evelileyo
emdlalweni.

Maritzburg United : Richard Ofori, Pogiso
Sanoka, Siyanda Xulu, Bandile Shandu, Bokang Thlone, Rushine De-Reuk, Siphelele
Ndlovu, Keagan Buchanan, Deolin Mekoa, Keletso Makgalwa, Andrea Fileccia.

Amalalela: Mpandle, Mokate, Matima,
Farmer, Atouba, Masegela, Kunene.

Kaizer Chiefs: Itumeleng Khune, Ramahlwe
Mphahlele, Siyabonga Ngezana, Daniel Cardoso, Siphosakhe Ntiya-Nyiya, Willard
Katsande, Siphelele Ntshangase, Kabelo Mahlasela, Khama Billiat, Hendrick
Ekstein, Leonardo Castro.

Amalalela: Bvuma,
Tshabalala, Parker, Mathoho, Páez, Moon, Meyiwa.

 

RELATED ARTICLESMORE FROM AUTHOR