Abathandi bebhola ekhatywayo bazakufumana umdlalo okumgangatho ophezulu kule mpelaveki xa uMthatha Bucks usamkela AmaZulu kumdlalo weNational First Division ngentsimbi yesithathu emalanga ngoMgqibelo eMthatha Stadium.
Amathol’amnyama athe ngcu phezulu kuluhlu lwamaqela akwiNFD kwaye azimisele ukuqhubela phambili nokuqokelela amanqaku emva kokuphumelela imidlalo emibini ngokulandelelana. Isiqalo esihle seli qela laseMthatha siyinkuthazo enkulu kubadlali nakubo bonke abalandeli emva kokusinda ezembeni kwisizini ephelileyo. Nangoba iqela liqhuba kakuhle – kodwa umqeqeshi, uVelile Dyaloyi, usazimisela ukwenza ngcono ukuze aphephe okwenzeka kwisizini ephelileyo. AmaZulu eza apha enfuna impumelelo – nto leyo ithetha ukuthi lo mdlalo uzakunika umdlalo kakhulu.
Izimvo zabafundi ngokuyalwa komtshakazi