Amatsatsantsa acambalalise Amasandawana emdlalweni weMTN 8 ebusuku namhlanje

By
Pedro Mapelo
-
Thapelo Morena of Mamelodi Sundowns challenged by Clayton Daniels of Supersport United during the MTN8 2019 Semi Final 2nd Leg match between Mamelodi Sundowns and Supersport United at the Lucas Moripe Stadium, Atteridgeville on the 18 September 2019 ©Muzi Ntombela/BackpagePix

Amatsatsantsana
anethuba lokubuyiseela ubunganga bawo kwakhona njengelinye lamaqela athatha
iindebe kakhulu ebholeni yaseMzantsi Afrika. Oku kulandela emva kokuba ecambalalise
iMamelodi Sundowns ngamagowuli amabini eqandeni (2-0) emdlalweni obutshisa bhe eLucas
Moripe Stadium. Ngoku iSuperSport United iza kudibana neHighlands
Park ebethe iPolokwane City
ngo’4-3 kumapenela emdlalweni ophele iliqanda macala eMakhulong Stadium
kubusuku bayizolo. Umdlalo weMTN 8 wokugqibela uza kudlalelwa e-Orlando Stadium
ngentsimbi yesithandathu ngomhla wesihlanu kwinyanga ezayo.

Amakhwenkwe
kaKaitano Tembo awuqale kakuhle umdlalo exhokonxa phambili ngoThamsanqa Gabuza
noBradley Grobler. Ayihlasele iSundowns engadlalanga kangako kwangoko kwisigaba
sokuqala – mhlawumbi, ngenxa yeenguqu ezenziwe nguPitso Mosimane okhale
ngokonzakala kwabadlali bakhe phambi komdlalo. Ihambe phambili iSuperSport ngebhola
efakwe nguTeboho Mokoena onikelwe kakuhle nguGabuza. Nangona idlale umdlalo
ongcono iSundowns kwisigaba sesibini – kodwa igowuli elifakwe nguJamie Webber
kuwabulele nya amathuba wayo okuphumelela indebe yeMTN 8 eneminyaka iyizingela
phantsi kukaPitso.

  

Sundowns: Onyango, Ngcongca, Arendse,
Lebusa, Langerman, Coetzee, Kekana, Zwane, Sirino, Morena, Meza.

Amalalela: Pieterse,
Mabunda, Lakay, Mkhulise, Vilakazi, Madisha, Maboe.

SuperSport: Williams, Nhlapo,
Khumalo, Daniels, Bhasera, Furman, Mokoena, Mbule, Modiba, Gabuza, Grobler 

Amalalela: Pule, Fleurs, Webber,
Mnyamane, Qalinge, Mahachi, Lungu.

 

RELATED ARTICLESMORE FROM AUTHOR