Iqela lebhola ekhatywayo laseMpuma Koloni elidlala kwiPSL, iChippa United, likhangela umqeqeshi omtsha emva kokuba likhombe emnyango uVladislav Heric. Ukugxothwa kukaHeric kulandela emva kokuba iChippa United ibethwe yiBloemfontein Celtic ngamagowuli amabini kwelinye (2-1) emdlalweni weDStv Premiership obubanjelwe eSisa Dukashe Stadium izolo ngorhatya. “Yinyaniso leyo, andisenguye umqeqeshi weChippa United,” utshilo uHeric, ethetha neli phephandaba. Le ndedeba yaseSerbia kwinyanga iqeshwe kwinyanga nguMnu. Siviwe Mpengesi emva kokuba engazange akwazi ukuqesha uLuc Aymael – owayetyholwa ngobuhlanga ngethuba esengumqeqeshi eTanzania.
Phantsi kukaVladislav Heric – iChippa United iqhothozile kwicala lokuqokelela amanqaku ngokubetha amaqela afana neKaizer Chiefs neStellenbosch – kodwa bekungonelanga. Umqeqeshi ugxothwa iChippa ishiyekelwe yimidlalo emibini kuphela nasemva kokubethwa yiTshakhuma Tsha Madzivhandila kwiNedbank Cup. Ihleli kwindawo yeshumi elinesihlanu entla kweBlack Leopards esemsileni. Ukuba ayikwazanga ukuliphepha izembe, iChippa iza kufumana ithuba lokulwela indawo kwiDStv Premiership ngokudlala namaqela adlala kwiGladAfrica Championship. Igama likaLehlohonolo Seema.
Ababezenza amapolisa baphanga usapho, baqhotsa batya inyama yabo!