Lo ngumdlalo obuphakathi kweBuffalo FC neHighbur, eJan Smuts Stadium. emva kwemini ngoMgqibelo. Umfanekiso: Pedro MapeloEMonti – omnye yemidlalo ebinika umdla kwiABC Motsepe League nangoba ubungabukelwanga ngabantu abaninzi ngulowo ubuphakathi kweBuffalo City neHighbury FC. Lo mdlalo ububanjelwe eJan Smuts Stadium uvelise amagowuli amahlanu – eyona nto ethe yabalasela kuwo.
YiHighbury ewuphumeleleyo lo mdlalo ngo’3-2. Liqela ebelidlalela ekhaya, iBuffalo FC, elihlasele kuqala kulo mdlalo yade yavuzwa ngegowuli. Kuyiwe kwixesha lokuphumla ihamba phambili iHighbury ngegowuli elifumene emva kwempazamo eyenziwe ngabadlali beBuffalo emva. Kwesesibini isigaba somdlalo omabini amaqela agalele amagowuli – kodwa ekugqibeleni yiHighbury egoduke namanqaku amathathu emva kokubetha iBuffalo FC.
IYoung Ideas ibambene ngo’2-2 neMorning Stars. Yona i-EC Bees ephala phambili kwi-ABC Motsepe League kwiphondo leMpuma Koloni izibethele iMatta Milan ngo’1-0. ngalo ndlela yaqinisa amathuba wayo okuba ziintshatsheli zeMotsepe League ekupheleni kwale sizini. Iqela elihleli kwindawo yesibini, iFuture Tigers, ibethe iWalter Sisulu University ngo’2-0.
UMthatha City uvuthulule iMatatiel Professionals ngo’4-1. Ilion City ibambene neSubs ngo’1-1. ITornado FC ibethwe yiMighty Bucks ngo’3-1 yaze yona iCity Lads yabetha iCallies ngo’2-0. Kwiveki ezayo kulindeleke ukuba kucace ukuba leliphi iqela eliphumelelayo kunye nalawo azakuthi athotyiselwe ezantsi.
Ababezenza amapolisa baphanga usapho, baqhotsa batya inyama yabo!