Bathiwe nka ngezigwebo ezikhulu abadlali beBidvest Wits ngenxa yokuqaqadeka!

By
Pedro Mapelo
-
Ricardo Goss of Bidvest Wits pushes referee Masixole Bambiso during the Absa Premiership 2019/20 game between Cape Town City and Bidvest Wits at Cape Town Stadium on 18 January 2020 Ryan Wilkisky/BackpagePix

Abadlali
ababini beBidvest Wits bathiwe nka ngezigwebo ezikhulu ngumtshutshisi wePSL
ngenxa yokuqaqadeka. URicardo Goss noSameehg Doutie bafunyenwe benetyala
yikomiti yoluleko yePSL eyabathawuziza emapulangeni emva kokudlakathelisa
usompempe ekuqaleni kwalo nyaka. Emdlalweni owawuphakathi kweCape Town
City neBidvest Wits, uMasixole
Mambiso (usompempe), wayikhomba echaphazeni ibhola emva kokuwiswa komdlali
weCity phakathi emhlabeni kanozinti. Ngoko nangoko, uGoss noDoutie bonda ngaye.
Bamtshova ngendlela engamkelekanga ebholeni. Lo nto yayinyanzela ikomiti
yoluleko ibakhwebele phambi kwayo ngokukhawuleza.

“Ikomiti
yePSL ufumene abadlali beBidvest Wits ababini, uRicardo Goss noSameehg Doutie,
benetyala lokuphatha kakubi usompempe uMnu. uMasixole Bambiso emdlalweni
owawuphakathi kweBidvest Wits
neCape Town
City ngomhla weshumi
elinesibhozo kwinyanga yoMqungu ku-2020 eCape Town Stadium. IWits idliwe imali
eyiR150 000 ngokubeka iPSL ehlazweni. Umdlali ngamnye uza kunqunyanyiswa
imidlalo esibhozo. Kuloo midlalo esibhozo, emine iza kuxhonywa,” itshilo
ingxelo ekhutshwe yiPSL izolo. Ukugwetywa kwabadlali beWits kulandele emva
kokugwetywa kukaMpho Makola weCity naye owatshova usompempe emdlalweni
owawuphakathi kweCape
Town City
neKaizer Chiefs kwaphaya eCape Town Stadium.

 

 

 

RELATED ARTICLESMORE FROM AUTHOR