UGavin Hunt uyavuya xa ebona uBenni McCarthy, awamnika ithuba lokudlala, eqhuba kakuhle kwiCape Town City.
Iqela likaBenni lidibana kwiBidvest Wits kumdlalo weMTN 8 wesibini eBidvest Stadium ngo’15:00 ngeCawe.
Kulindeleke iWits ibuyise izitya kulo mdlalo nanjengoko yabethwa ngo’1-0 kumdlalo wokuqala eKapa. Ukusukela oko iqalile isizini, iCity iqhuba kakuhle phantsi komqeqeshi omtsha.
“Kuyabonakala ukuba ibhola ilula kuye. Into endinokuyenza kukumvuyela qha – kodwa izinto zizokutshintsha. Kuyabonakala kodwa ukuba kukho into entle ayenzayo,” utshilo uHunt kwiSolezwe.
IMaritzburg United yamkela iSuperSport United kumdlalo ozakube useHarry Gwala Stadium ngo’20:15 ngoMgqibelo.
Kumdlalo wokuqala la maqela mabini abambana ngo’1-1. Iqela eliphumelele olu khuphiswano lizakuzuza izigidi ezisibhozo zeerandi nendebe.
Luthatha lubeka usapho obeluthenjiswe ngoncedo kumngcwabo womzali ogetyengiweyo!