KULE veki kuzakuphehlelelwa isiqendu esitsha seMTN8, sihamba nezigidi ezisibhozo zeerandi.
Amaqela aphume phambili kwisizini ka-2014/15 ngawo azakuba nenyhweba yokuthatha inxaxheba kolu khuphiswano kwaye iqela ngalinye lizakuvuzwa ngokudlala kwalo.
Le yeyona ndebe inomntsalane ngenxa yemali kwaye ithatha ixesha elifutshane. NgoLwesine wale veki kuzakuphehlelelwa ngokusesikweni iMTN8 eMelrose Arch, eRhawutini, kuphinde kubhengezwe izinto ezintsha.
Nanjengoko imicimbi yamaqela asibhozo aphambili seyicalanye, iintshatsheli ze-Absa Premier Soccer League, iKaizer Chiefs, izakudlala neMaritzburg United eyavala isizini ikwindawo yesibhozo. iMamelodi Sundowns izakungquzulana neBloemfontein Celtic ebikwindawo yesithandathu kuluhlu lwePSL.
Iqela likaGordon Igesund, iSuperSport United izakubambana neBidvest Wits ze i-Orlando Pirates idlale ne-Ajax Cape Town.
Kulo unyaka le midlalo izakudlalwa phakathi evekini, hayi ngempelaveki njengoko bekusenzeka ngaphambili.
Iintshatsheli zonyaka ophelileyo iKaizer Chiefs zinethemba lokukhusela le ndebe phantsi komqeqeshi wayo omtsha uSteve Komphela.
UMzantsi Afrika uza kongamela iG20: Kuthetha ntoni oko?