Umbutho webhola weli loMzantsi Afrika, iSAFA, uchulumancile kakhulu ngumqela owenziwe ngamaqela esizwe amancinane walapha kwiitumente ebedlala kuyo ukusukela kunyaka ophelileyo.
Lo mbutho ukutsho oku emva kokuba i-Under-23 yeli iphumelele ukuya kudlala kwitumente yamazwe asibhozo eSenegal phambi kokuphela konyaka.
Eli qela lika-Owen Da Gama kulindeleke ukuba lidibane namazwe aphambili aphe Afrika kula tumente apho lizakube lizama ukuzibekela indawo kwii-Olimpiki ezizakube sizingethwe yiBrazil kunyaka ozayo.
Amazwe azakuthatha inxaxheba kule tumente ngala: Senegal, Nigeria, Mali, Tunisia, Egypt, Algeria, Zambia neSouth Africa. Amazwe amathathu aphume phambili kule tumente ngawo azakuthi amele i-Afrika kwi-Olimpiki kunyaka ozayo.
UMzantsi Afrika ubethe ngo-3-0 iZimbabwe kwiveki ephelileyo.
iEFF imenywe kwimibhiyozo yeMK Party