Isikolo sase-Alfred Nzo, iBarkerville J.S.S, izakumela iphondo leMpuma Koloni kwitumente kazwelonke emva kokuba sithweswe njengeeNtshatsheli ze-Eastern Cape Danone Cup kwakhona kulo nyaka. Eli qela labadlali abangaphantsi kweminyaka elishumi elinesithathu libethe isikolo esiphuma e-Amathole, iNgubetole Bam J.S.S. ngo’2-1 kumdlalo obulawulwa yiBarkerville.
Amagowuli afakwe nguSindisa Pheyana noBunathi Kala. Umdlalo ubumhle kakhulu, abadlali bamaqela omabini badlale ngozimisela okukhulu. Umgangatho wemidlali ubabonakalisile abaqeqeshi ukuba benze amalungiselelo asezingeni eliphezulu kwaye nokhuphiswano lweDanone baluthathela ingqalelo.
Le ngxikela yemidlalo ibizinyaswe zezi zikolo ezisixhenxe, sinye isikolo esingadlalanga ngenxa yamaphepha angaphelelanga ebefuneka. “Siyavuya siphumelele futhi siyakuvuyela nokumela iMpuma Koloni ityeli lesithathu kuzwelonke. Sifuna ukuya eFrance, sifike senze ezibukwayo phaya,” utshilo umqeqeshi uMpilo Canga.
IBig Brother Mzansi iza kuqala ngoJanuwari