IBloem Celtic yenze omnye umtsi kwiTelkom Knockout

By
Pedro Mapelo
-
Victor Letsoalo of Bloemfontein Celtic challenged by Ryan De Jongh and Willem Mwedihanga of Platinum Stars during 2017 Telkom Knockout Quarter Final match between Platinum Stars and Bloemfontein Celtic at Royal Bafokeng Stadium, Rustenburg South Africa on 04 November 2017 ©Muzi Ntombela/BackpagePix

IBloemfontein
Celtic yenze omnye umtsi kwiTelkom Knockout emva kokuphumelela ngale njikalanga.
Eli qela laseFree
State libethe iPlatinum
Stars etsala nzima kule sizini ngo’2-1 kumdlalo obubanjelwe eRoyal Bafokeng
Stadium. Ngalo ndlela Isiwelele Samasele zisibekele indawo kumjikelo ophambi
kwamagqibela kankqoyi weTelkom Knockout emva kokubuya ngasemva emdlalweni. Kuyiwe kwixesha
lokuphumla iPlatinum Stars inkqenkqeza phambili ngegowuli elifakwe
nguBonginkosi Ntuli kumzuzu wamashumi amabini anethoba emva kwempazamo eyenziwe
ngabadlali beCeltic emva. UVuyo Mere ukhe wafumana ithuba kwisigaba sokuqala
somdlalo – kodwa ngelishwa lakhe, izinto azimhambelanga kakuhle.

Kwisigaba sesibini
iCeltic ibuye ineqhinga elitsha; ihlasele kwakwimizuzu yokuqala yade yavuzwa
kumzuzu wamashumi amahlanu anethoba. Igowuli lifakwe nguLantshene Phalane. Kuthe
xa kushiyeke imizuzu elishumi, uTshegofatso Mabaso uyithathe iCeltic wayibeka
endaweni entle ngebhola yakhe. Ngoku iBloem Celtic ilinde amaqela amathathu
azakuphuma kwimidlalo yanamhlanje nangomso. ICeltic esokoleyo kwisizini
egqithileyo kulindeleke ukuba isebenzise le midlalo njengethuba lokubuyisela
isidima sayo kwibhola yoMzantsi Afrika.

Platinum Stars: Visser, De Jongh, Mwedihanga, Zulu,
Sithole, Mere, Ng’ambi, Mkhabela (Matlakala 87′), Links (Mwila 59′), Otladisa, Ntuli.

Bloemfontein Celitc: Tignyemb, Pfumbidzai,
Rikhotso, Ndengane, Mabena (Lubisi 88′), Letsoalo (Mahlasela 52′)  , Letlabika,
Baloyi, Hotto, Motshegwa (Mabaso 74′), Phalane.

RELATED ARTICLESMORE FROM AUTHOR