IBloemfontein Celtic ibhengeze abadlali bayo abatsha izolo eDR Molemela Stadium ukuzilungiselela isizini ka2016/17 yePremier Soccer League ngokwengeza abadlali abambalwa.
Aba badlali bathengwe leli qela nguCheslyn Jampies, Dean Hotto, Atusaye Nyondo, Mpho Maruping, Sibusiso Mxoyana, Tlou Molekwane noKhethokwakhe Masuku.
Emva kokuhamba kukaKeagan Buchanan esiya kwiKaizer Chiefs, bekubalulekile ukuba iCeltic ifumane umdlali wasesiswini njengoMaruping.
Lo mdlali uzakube edlala ndawonye noNyondo naye osuka kwi-University of Pretoria ethotyiselweyo kwisizini ephelileyo. UNyondo unethemba lokuba azalisekise izithembiso zakhe, njengokuba ephinde wafumana ithuba lokudlala kwiPSL kwakhona.
UMasuku okhe wadlala kwiqela laseThekwini iRoyal Eagles uza kuza namava kwiCeltic, uzibonakalisile nokuba uyawafaka amagowuli kwiNFD kwisizini ephelileyo.
UManqoba Mngqithi akonelanga ncam ngu’4-0 ofunyenwe yiMamelodi Sundowns