IDowns ekelemileyo icambalalise iTshakhuma FC ekhayeni layo

By
Pedro Mapelo
-

Sibusiso Vilakazi of Mamelodi Sundowns celebrates goal with teammates during the DStv Premiership 2020/21match between Tshakhuma Tsha Madzivhandila and Mamelodi Sundowns on the 06 April 2021 at Peter Mokaba Stadium, Polokwane / Pic Sydney Mahlangu/BackpagePix

Ifake amanqaku amathathu engxoweni iMamelodi Sundowns ecambalalise iTshakhuma Tsha Madzivhandila isilwa ngamagowuli amathathu kwelinye (3-1) emdlalweni weDStv Premiership obutaka iintlantsi ePeter Mokaba Stadium ngenjikalanga yanamhlanje. Ngoku iSundowns ivule umsantsa wamanqaku amathandathu phezulu kwiDStv Premiership.

Egameni layo iDowns, inamashumi amane anesithathu amanqaku, ilandelwa yiGolden Arrows naMaZulu ezinamashumi amathathu anesixhenxe amanqaku iqela ngalinye. Umdlalo uqale ngesantya esiphezulu, omabini amaqela ehlaselana ePolokwane.

Ibhakuzelise umnatha iTshakhuma kwangoko kwisigaba sokuqala ngebhola efakwe ngentloko nguThembisani Nevhulamba ayinikwe ngobuchule nguThabo Mnyamane. UGaston Sirino noThapelo Morena bakhe bazama ukufumana amagowuli befumene amathuba – kodwa ethe qwa uWashington Arubi ezipalini.

Kuyiwe kwixesha lokuphumla ebambene ngo’1-1 emva kokuba uRivaldo Coetzee efake igowuli lokulinganiso xa kanye kuphela isiqingatha sokuqala. Noxa abadlali beTshakhuma Tsha bebezimisele emdlalweni futhi kubonakala ukuba bafuna ukuphumelela ekhaya – kodwa kuye kwacaca ukuba abeSundowns bahorho kunabo.

USirino uphose ithuba lokubeka iSundowns phambili xeshikweni eqabelisa ibhola ebibekwe echaphazeni. USphelele Mkhulise uyilungisile lo nto ngokufaka emnatheni ibhola ebisuka kuLyle Lakay. Khange ityhafe iTshakuma FC – kodwa kwisigaba sesibini, iSundowns ibiseyikeleme kakhulu.

USibusiso Vilakazi, obenethuba elide engasadlali ngenxa yokonzakala, ufake igowuli lesithathu lokuvala. Ukubethwa kweTshakhuma ziindaba ezimbi ngoba isekela iBlack Leopards ekiwndawo yokugqibela. Entla kwayo kukho iChippa United eza kudibana neSundowns kwiveki ezayo.

Tshakuma: Arubi, Lukhubeni, Ndengane, Nonyane, Theron, Timm, Ndlondlo, Nevhulamba, Rakhale, Mnyamane, Madhanaga.

Amalalela: Mhlongo, Malongoane, Ngema, Mabotja, Nkili, Rantie, Monde, Nedzamba, Manaka.

Sundowns: D Onyango, De Reuck, Lebusa, Coetzee, Lakay, Morena, Mkhulise, Maboe, Sirino, Zwane, Shalulile.

Amalalela: Goss, Modiba, B Onyango, Vilakazi, Mudau, Mkhuma, Kekana, Affonso, Maluleka.

RELATED ARTICLESMORE FROM AUTHOR