URivaldo Coetzee we-Ajax Cape Town uzawukongeza inani labadlali belizwe loMzantsi Afrika abadlalela amaqela ebhola ekhatywayo eYurophu. Oku kuza emva kokuba lo mdlali ngasemva ethengiselwe iGlasgow Celtic yaseScotland ekuqaleni kwale veki. Iingxelo zithi lo mdlali uthengwe ngemali eqikelelwa phaya kwishumi elinesithathu lezigidi zerandi (R13-million).
Lo kaCoetzee uzakudlalela iGlasgow Celtic – elinye lamaqela amakhulu naphambili kokubini eScotland naseYurophu – kodwa kulindeleke enze uvavanyo phambi kokuba abengumdlali weli qela ngokupheleleyo. UCoetzee, 20, okwangumdlali wasemva othembekileyo kwiqela lesizwe loMzantsi Afrika kuthiwa utyikitye isivumelwano sengqesho seminyaka emithathu yonke neGlasgow Celtic.
Emva kokubhengezwa kokuthengwa kwakhe yi-Ajax Cape Town ekuqaleni kwale veki – uCoetzee kulindeleke okokuba anduluke phambi kokuqala kwesizini yaseScotland. Ukuhamba kwakhe uRivaldo kwi-Ajax yinto ebekubonakala okuba uyayinqwenela. Kwinyanga ephelileyo akakwazanga ukuzilungiselela ne-Ajax isithuba esingaphaya kweeveki ezimbini kuba kusithiwa ebefuna ukuhamba phambi kokuvulwa kwesizini ka’2017/17 ye-Absa Premier Soccer League.
URamaphosa uyiqhwabele izandla iEPWP encede abantu abaninzi