UFrancois Hougaard uthi onke amandla akhe uza- kuwafaka ekubeni azibekele indawo kwimidlalo ye-Olimpiki ezakudlalelwa eRio ekuzeni kuphela kwalo nyaka.
UHougaard wenze ezibukwayo eNgilane, kwaye ude wafumana newonga lokuba ngumdlali obalaseleyo wenyanga kwiPremiership. Ngoku uHougaard uzimisele ukusebenza ngokuzimisela ukuze afumane indawo kwiSpringbok Sevens xa silungiselela ukuya kudlala eRio.
UBuyile kwiWorcester Warriors yaseNgilane nalapho adlale kakuhle wade wanikwa isivumelwano sokuba ayokudlala kwela qela kwisizini ezayo. Naye uvumile ukuya kudlala eNgilane xa ebuya kwimidlalo ye-Olimpiki.
Ngezamile uHougaard ukuthetha neSARU ukuba avunyelwe abuye xa kusondele i-Olimpiki, eNgilane, kodwa uyayazi ukuba akukho mntu unendawo yakhe xa kulungiselelwa ukuya eRio. Ubuyele kwinkampu yeBlitzbokke eseStellenbosch kule mpelaveki , phambi kokuba aye kwiitumente ezimbini ezizakuba seParis naseLondon.
“Bendihleli kakuhle kakhulu eNgilane kwiiWarriors, kodwa ke bendilikhumbula kakhulu usapho lwam lweBlitzboks. Ndidlale kakuhle kwezi tumente zine ndidlale kuzo, kwaye ndiyavuya kukubuyela ebaleni ndiziqeqeshe nabanye abadlali,” utshilo uHougaard.
“Ndizixelele ukuba ndifuna ukudlala kwezi tumente zimbini, kwaye inye indlela endinokuthi ndikwazi ngayo ukuyenza loo nto kukudlala ngokuzimisela. Yeyonanto ebesiyenza leyo kule veki sisuka kuyo, kwaye izinto zisahamba kakuhle.”
Silungiselela ukukhusela indebe yethu kwiWafcon, utsho uDesiree Ellis