IiLions zongamele iStormers

U-Elton Jantjies uyaqhubeka nokuzibonakalisa ukuba ufanelwe kukunxiba isikipa seSpringboks kungekudala.

Lo mdlali ubenegalelo kakhulu xa iiLions bezibetha iStormers ngo’29-22, kumdlalo weSuper Rugby eGoli, ngokuhlwa ngoMgqibelo.

Ibingumdlalo onzima kakhulu, omabini la maqela ebelambele impumelelo kodwa ekuqibeleni iiLions zigoduke nempumelelo.

Kwisiqingatha sokuqala iiLions bezihambe phambili ingakumbi ekulawuleni ibhola, kwaye bezihamba phambili ngo’16-12 xa kusiyiwa ekhefini.

IiStormers beziwulawula lo mdlalo ixesha elininzi, kodwa uye wangenelela uJantjies wenza imilingo ngebhola evula indlela elungiselela uRuan Combrinchk, ukuba angqengqe emgceni. Uye waqabelisa ngokwakhe uJanjties emva koko.

Umdlali okhabayo weStormers uJean-Luc du Plessis kunye noJanjties baqabelise iipenalthi ezilandelelanayo xa kubuywa ekhefini.