Kulindeleke
okokuba AmaBhokobhoko adlale imidlalo yovavanyo nelizwe laseScotland imidlalo
emibini kwinyanga yeKhala kunyaka ozayo phambi kokuxikixana neGeorgia kwiveki
elandela emva komdlalo wokugqibela neScoatland. Oku kudizwe kwikhasi lomnatha
kalindixesha (Magazine website) opapasha iindaba zombhoxo kuphela. Iindawo
namaxesha emidlalo yotyelelo leScotland ayikaziswa. Yiminyaka ephaya
kwisithandathu uMzantsi Afrika wagqibela ukuvana amandla nelizwe laseScotland.
Kulindeleke AmaBhokobhoko adlale phantsi kwesandla somqeqeshi omtsha xa kufika
loo midlalo emva kokubeka phantsi kukaRassie Erasmus emva kweNdebe yeHlabathi
ebibanjelwe eJapan kutshanje.
URassie uza
kuthatha isikhundla sakhe kakade njengomlawuli oyintloko kwezolawulo lobhoxo
kwiSouth African Rugby. Iingxelo zithi iScotland iza kugudla unxweme iye
kwelaseNew
apho kulindeleke okokuba idlale ngomhla weshumi elinesibhozo kwinyanga yeKhala
2020. Ngokuqinisekileyo, iScotland iza eMzantsi Afrika inethemba lokuzuza
iziphumo ezibhetele kungango-2014, unyaka eyabethwa ngawo ngo’55-6. Konke oku
kuza kwenzeka emva kokuba uMzantsi Afrika ugqugqise lonke ihlabathi wabuya
nendebe kwitumente yehlabathi emva kokubetha iNgilane ngo’32-12 emdlalweni
wamagqibelakankqoyi eYokohama, eJapan, ekuqaleni kwale nyanga. Akukacaci nokuba
AmaBhokobhoko ayakube edlale imidlalo emingaphi xa kufika imidlalo yotyelelo
yeScotland neGeorgia kunyaka ozayo.
Liyoyikisa izinga lokunyamalala kwamadoda eGqeberha!