Abathandi nabalandeli bebhola ekhatywayo kweli loMzantsi Afrika basabambe ongezantsi emva kokusweleka kwegqala lomqeqeshi uTed Dumitru.
Lo mqeqeshi uzenzele igama njengomqeqeshi kumaqela amakhulu naziwayo kwibhola ekhatywayo eMzantsi Afrika, iKaizer Chiefs, Mamelodi Sundowns neOrlando Pirates.
UTed noyinzalelwane yaseRomania uye wahlaselawa yintliziyo kwindawo yodederhu lweevenkile, i-East Gate Mall, eRhawutini izolo.
Usweleka eneminyaka engamashumi asixhenxe anesithandathu.
UDumitru uphumelele iintshinga ezimbini zePSL ngelixa engumqeqeshi weSundowns, waphinda waphumelela ezimbini eqeqesha iChiefs.
UHugo Broos uzityanda igila ngokudlalisa uVeli Mothwa izolo