Kubonakala ngathi ayikasithathu isigqibo iMamelodi Sundowns ngokukhulula uKeagan Dolly ofunwa ngamaqela aphesheya. Oku kulandela iingxelo eziphume eFrance namhlanje ekuseni ezithe iqela elimfunayo, iMontpellier, iyilungisile imali eyi-1.7-million Euros efunwa yiSundowns ngomdlali wayo.
Emva kokuthi ndiii kwendaba ezithi uDolly uvalelilesile namhlanje ekuseni koogxa bakhe, iDowns ikhuphe ingxelo ethi: “IMamelodi Sundowns izimisele ukuphulaphula naliphi na iqela elibeka into ebhadlileyo etafileni ngoKeagan Dolly, lo ngumyalelo esiwunikwe ngumongameli uPatrice Motsepe. Akukho nto intsha ukuzothi ga ngoku.”
Kwiveki ephelileyo bekukhe kwakho iinthetha ezenziwe nguyise nomphathi kaDolly, ezingangenanga kakuhle kubaphathi beSundowns.Njengokuba kukho iqela elizimisele ukumthenga lo mdlali, kubonakala ngathi iDowns incwase ukulinda namanye amaqela amfunayo ukuze ikwazi ukukhetha imali engcono. UDolly kukhangeleka ngathi iintliziyo yakhe ayisekho kwiDowns nangona kungekho lizwi elitsolileyo eliphuma kuye.
Lo mdlali ebeyinxalenye yeqela likaPitso Mosimane eliphumelele indebe yePremier Soccer League, iTelkom Knockout neCaf Champions League. Kanti ukufunwa kwalo mdlali kuze emva kokuba edlale kakuhle eRio de Janeiro, eBrazil, apho akhokela iqela lesizwe loMzantsi Afrika kwimidlalo ye-Olimpiki kunyaka ophelileyo.
Africa title the first of many for Khayelitsha’s Mgabi