Iqela loMzantsi Afrika eliphambili, iMamelodi Sundowns, lithwaliswe isithsaba sobuntshatsheli kwizwekazi le-Afrika ngokusesikweni.

Nangona iZamalek iphumelele ngo’1-0 kumdlalo weCaf Champions League obudlalelwa eBong El-Arab Stadium namhlanje – kodwa iwe phantsi ekufikeleleni kumagowuli amathathu weSundowns eyawafaka kumdlalo obuseMzantsi Afrika kwiveki ephelileyo.

Amasandawana aphumelela le ndebe ye-Afrika okokuqala kwimbali yawo emva kweminyaka engaphaya kwamashumi amabini emva kokuba yaphunyelelwa yi-Orlando Pirates ngo’1995.

Ngumdlalo lo iZamalek ebizimisele ukuguqula kuwo idemeshe eyenzeka eLucas Moripe Stadium kwiveki ephelileyo.

Izamile yona iZamalek ukuhlasela kodwa ibidibene nabadlali abazilungiselele kakuhle ukusukela enkqondweni ukuya ezantsi ezinyaweni.

Likwazile ukufumana igowuli eli qela laseYiphutha kwisigaba sesibini somdlalo. Kwangoko abadlali bayo [iZamalek] banyathelele phezulu ngelikhangela elesibini igowuli – kodwa ngelishwa layo khange avume kwaphela uSesame ngabula Mathiso owalala kobandawo.

Ngoku iDowns izakudlala namaqela amakhulu ehlabathi kwitumente yamaqela aphambili kwihlabathi jikelele phambi kokuphela kwalo nyaka.

Zamalek: Genesh, Youssef, Dowidar, Gabar, Khaled (Shikabala 76’), Fathi, Hamed (Salah 85’), Tawfik, Stanley, Hefny (Mayuka 85’), Morsy.

Sundowns: Onyango (Sandilands 28’), Mbekile, Soumahoro, Nthethe, Langerman, Kekana, Mabunda, Tau, Dolly, Billiat (S. Zwane 84’), Laffor (Modise 72’).