Imidlalo ye-PSL ikhutshiwe

Umbutho webhola ekhatywayo kweli i-Premeir Soccer League (PSL), uzikhuphile iinkcukaca zemidlalo yesizini ka-2015/2016.

Imidlalo yokuvula ye-PSL izakudlalwa ngoMgqibelo nange-Cawa umhla wesibhozo nowethoba kwinyanga ka-Agasti. I-PSL sele iqinisekisile nokuba imidlalo emibini yokugqibela ye-PSL izakudlala ngexesha elinye. Yona le midlalo yokugqibela izakudlalwa ngoMgqibelo umhla wamashumi amabini ananye ku-Meyi ka-2016.

Kwimpelaveki yokuqala kwesizini entsha, intshatsheli ezizakube zikhusela iKaizer Chiefs, zizakube zindwendwele iChippa United eNelson Mandela Bay Stadium, eBhayi. I-Free State Stars izakwamnkela i-Mpumalanga Black Aces kumabalka ase Godle Park. IBloemfontein Celtic yona izakuhambela iPolokwane City kumabala ase Old Peter Mokaba.

Ngokuhlwa kwango lusuku lunye, i-Wits United izakwamnkele i-“Urban Warriors” i-Ajax Cape Town eBidvest Stadium. Kwangokuhlwa njalo ngalo mhla. IMamelodi Sundowns izakundwendwela i-Platinum Stars eRoyal Bafokeng Stadium.

IGolden Arrows esandula kubuyela kwi-Absa premiership izakudlala ne-Yunivesithi yase Pitoli (AmaTuks) kumabala ase Chatsworth.