Igoduka
namanqaku apheleleyo i-Orlando Pirates emva kokubetha iChippa United ngo’1-0
kumdlalo we-Absa Premier Soccer Leagaue obumhle ngendlela emangalisayo eNelson
Mandela Bay Stadium kobu busuku banaamhlanje. Igowuli ekuphela kwalo emdlalweni
lifakwe nguGerald Modisane ngempazamo ngethuba ebezama ukuchitha ibhola ebethe
epalini – kanti ubinza umkhonto ekhaya. IBucs inamanqaku amane ngoku emva
kokudlala ntanganye
wokuqala. Kanti yona iChippa United ibethwe kuyo yomibini imidlalo yaayo kule
sizini entsha evulwe kwiveki ephelileyo. UKurt Lentjies ebenguKapteni endaweni
kaMark Mayambela ongadlalanga ngenxa yokonzakala. URuzaigh Gamildein, ongene
kwisigaba sesibini noSiyabonga Sangweni, bawutshintshile umdlalo – kodwa imizamo
yabadlali beChippa iwe phantsi yonke.
Emva kokusukelana
kwisigaba sokuqala, kuyiwe kwixesha lokuphumla iPirates inkqenkqeza phambili
ngegowuli elinye elifakwe ngumdlali weChippa wasemva uGerald Modisane. Umdlalo ubumhle
kakhulu, abadlali beChippa United banikelene ngebhola kakuhle kakhulu besenzisa
isantya. UKurt Lentjies noDaine Klate basibambe kakuhle isisu bemane
ukusebenzisa uThabo Rakhale – kodwa umdlalo wabo khange uyifake engxakini konke
konke iPirates ebixhathise ngoHappy Jele noGladwin Shitolo.
UVincent Pule
ebeyinkathazo ekunxele logama uMusa Nyatama noXola Mlambo bebeqhawula iibhola
zeChippa bekwaqinisekisa ukuba iifolosi zifumana iibhola ezisemgangathweni xa
kuhlaselwa. NguDaniel Akpeyi unozinti obexakekile ngoba ibhola ibidlalelwa
emhlabeni weChippa. UMpho Makola, obeqaala ukudlala kule sizini, udlale kakuhle
kakhulu kwisigaba sokuqala somdlalo. Izamile ukuhlasela iChippa – kodwa iibhola
zayo bezingafikeleli kwindawo efunekayo.
USiyabonga Mpontshane
ubambe ibhola yokuqala ebhadlileyo kwisigaba sesibini, ibhola ibikhatywe
nguKlate. UJustin Shonga akakwazanga ukusebenzisa ithuba emva kokubhutyuzwa
kwebhola ngabadlali beChippa emhlabeni kanozinti wabo. UDaniel Akpeyi wenze
umsebenzi oncomekayo kumzuzu wamashumi amathandathu anesibini ngokuvala ibhola
embi ebikhatywe nguVincent Pule. Emva kokukhutshwa kukaMthokozisi Dube ngekhadi
elibomvu nguVictor Gomes, Chippa United iwunyusile umxakatho. URakhale noKlate
bebehlasela emaphiweni logama uLentjies ebeqinisekisa ukuba yonke into ihamba
kakuhle esazulwini sebala. URuzaigh Gamildein uphose ithuba emva kwebhola
ayivuselwe nguLentjies. Ampumelele Amabhakabhaka emva kokungakwazi kweChippa
ukusebenzisa amathuba ewafumeneyo.
Chippa United: Daniel Akpeyi, Tebogo Makobela, Frederic
Nsabiyumva, Xolanni Mahola, Gerald Modisane, Boikanyo Komane, Thatayaone
Kgamanyane, Daine Klate, Tebogo Tlolane, Kurt Lentjies, Thabo Rakhale.
Orlando Pirates: Siyabonga Mpontshane, Happy Jele, Xola Mlambo,
Mthokozisi Dube, Gledwin Shitolo, Augustine Mahlonoko, Justine Shonga, Mpho Makola,
Innocent Maela, Vincent Pule.
URulani Mokwena ulindele impatho nomdlalo onzima eTunisia