Abadlali beqela lombhoxo kwenye yeelali zaseNcerha bafumene impahla entsha kraca emva kokuphumelela itumente yepasika kutshanje.
Abantu beelali babuthelene kumabala emidlalo eNcerha – apho amaqela alishumi elinesixhenxe akhuphisene khona kwitumente yombhoxo.
Nangona ingqele ibiqhaqhazelisa amazinyo – kodwa abantu bebephume ngobuninzi babo.
Le tumente ibinkulu kwaye bekukhuphisana amaqela aziwayo ekuhlaleni afana neYoung Leopards, S.A. Barbarians, Black Hawkers, Young Stars, Rhinos, Storm Breakers, Winter Rose, Sky Blues, Village 3, Hungry Lions, Gxethu Hungry Lions, Wonderful 15, Strandloopers, Brother, 15 Attackers, Tigers, Bombers neGreen Aloes.
Le tumente ibizinyaswe nguNkosi uMthuthuzeli Makinana, uNkz. Mntuse Ntsokoma noMandla Moshani weBuffalo City.
Iqela eliphumeleleyo lifumene izikipha zombhoxo ezilingene abadlali beqela elipheleleyo. “Indima edlalwa yimidlalo ekubumbeni iinkokeli ibalulekile,” utshilo uNkosi Makinana.
UNgalonkulu uncunyiswe ngoonobuhle bangomso emcimbini obuseGcuwa!