Abafundi abadlala ibhola ekhatywayo kwisikolo esibizwa ngokuba yiNcedo Secondary School basabhiyoza emva kokuzuza indebe ngempela veki edlulileyo.
Esi sikolo sithweswe isithsaba sobuntshatsheli emva kokuphumelela itumente eyaziwa kakhulu i-Eastern Cape Kay Motsepe ebezibanjelwe eJans Stadium, eMonti, ngomhla weshumi kule nyanga. Zisibhozo izikolo eziphuma kuyo yonke iMpuma Koloni ezithathe inxaxheba kule tumente, ziye zohlulwa zangamaqela amabini.
UGroup A uphunyelelwe yiCharles Morgan School ephumelele yonke imidlalo yayo. Kanti kuGroup B, iNcedo, iqale ngokuphumelela imidlalo emibini yaze yadlala ngokulingana komnye jwi – kodwa yakwazi ukudlulela phambili.
Bekunzima kumdlalo wamagqibela kankqoyi, kangangokuba umdlalo uphele kumapenela. INcedo Secondary School iphumelele ngo’8-7, yagoduka nemali eyiR100 000. Yona iCharles Morgan High School ifumene iimbasa yeSilivere.
UMzantsi Afrika uzuze inqaku kwiCongo Brazzaville ebibhokile kowayo!