Le veki sisuka kuyo izise intlungu nokuphoxeka kwiJomo Cosmos nomqeqeshi wayo uJomo Sono.
NgoLwesihlanu, iCosmos ifunyenwe inetyala emva kokudlalisa umdlali obengafanelanga, uThabo Modiba, nobekuthiwe akazukudlala imidlalo elithoba.
IJomo kulindele ukuba ibhatale imali emgamakhulu amabini amawaka eerandi. Akuphelelanga nje apho, iingxaki zikaJomo ziphinde zongezeleleka ngoMgqibelo ngexa iqela lakhe libethwa yiMaritzburg United ngamagowuli amathathu kwelinye. Ukubethwa kweJomo ngoMgqibelo kuthethe ukuba iyaphuma kwiPremier Soccer League izakudlala kwiNational Firt Division kwisizini ezayo.
ITeam of Choice isindile ngoku ezembeni, kulindeleke ukuba iTuks ekwazileyo ukubetha iGolden Arrows ngamagowuli amabini kwelinye izolo, iyokudlala imidlalo yokulwela ukuhlala kwiPSL (Playoffs). ICosmos ibisandula ukubuyela kwiPSL kule sizini, emva kokuchitha ixesha elide kwiNFD kunzima ukunyuka.
Ubomi ejele kutata owadlwengula intombi yakhe ngokuphindaphindiweyo