IPirates ityikitye abadlali be-Ajax

I-Orlando Pirates ibhengeze isivumelwano ne-Ajax Cape Town ngabadlali bayo ababini uRiyaad Norodie no-Abbubaker Mobara, iphinde yabhengeza ukutyikitya umdlali waseGhana uBernard Morrison.

“I-Orlando Pirates Football Club ivuyela ukubhengeza isivumelwano ngabadlali phakathi kwayo ne-Ajax Cape Town * -Abbubaker Mobara noRiyaad Noridien,” ifundeka ngolu hlobo inkcazelo ephuma kwikhasi lonxibelelwano leqela. Usihlalo weqela * -Irvin Khoza uchulumancile ngaba badlali be-Ajax.“Sinikwe ukuba siqhubekele phambili nekontraka naba badlali bobabini. Umdlali ofana noMobara okungoku useNamibia neqela lesizwe, sizakuqukumbela xa sele ebuyile, kusenjalo ekaNorodien izakuqukunjelwa kungekudala.“Sifike kwisivumelwano esiye samkelwa ngezandla zozibini , satyikitywa sabuyiselwa kwi-AS Vita kwaye sichulumancile ngokufumana umdlali ofana noMorrison sithemba ukuba uzaphumelela eqeleni,”utshilo uKhoza.

Ukuvezile ukuba abadlali abaninzi bazakukhululwa kweli qela laseSoweto ngelithi kuzakubhengezwa kwiveki ezayo abadlali abahambayo kweli qela.

UNorodien odlala kwiqela lesizwe labangaphansi kweminyaka eyi-23 uthi uyakuvuyela ukudlala kweli qela, kwaye kukufezekiswa kwamaphupha akhe.

Lo mdlali udlale imidlalo eyi-22 kwi-Ajax ngesizini ephelileyo efake inqaku elinye wancedisa ngamane kwi-Ajax egqibe isizini ilele kwindawo yeshumi ngesizini ephelileyo kwi-Absa Premiership. Kulindeleke ukuba umqeqeshi omtsha weli qela * -Muhsin Ertugral afike xa kuphela le veki ukuqukumbela izinto, abanye abaqeqeshi nabadlali kulindeleke babuye kwiveki yokuqala ka-Julayi nanjengokuba besuka kwiiholide zokuvalwa kwesizini.