Umdlalo
weCaf Champions League obuphakathi kwe-Orlando Pirates ne-African Stars uphele
iliqanda macala emva kwamashumi alithoba emizuzu e-Orlando Stadium namhlanje
ngorhatya. IPirates ibigxeleshe amanqaku amathathu emdlalweni emva kokuqhuba
kakuhle kakhulu kwimidlalo yokuqala kwiChampions League emva kwethuba elide
ingasadlali kuyo. UVincent Pule nguye unkqonkqoze kuqala emdlalweni – kodwa iqela
laseNamibia liye lasinda ngokulambisa.
Nakwelakhe
icala uJackson Mabokgwane kuye kwanyanzeleka ukuba asebenze ngamathuba athile
emva koxinizelelo obelufakwe yiStars. Naye uJustin Shonga ukhe wazama – kodwa iinzame
zakhe azizelanga mathokazi. Kuyiwe kwixesha lokuphumla iPirates ithembisa noxa
bekunzima ukubhalisa ebhodini. Abadlali beqela laseNamibia khange bafumane
amathuba okufaka amagowuli amaninzi – kodwa into abakwazileyo ukuyenza
kukuyivimba igowuli iPirates. ULinda Mntambo uphose ithuba engeyiphumelele
ngalo iPirates – kodwa ibingenguye yedwa ngoba uThabo Qalinge no-Augustine
Mulenga bazame bancama.
Makadedele abanye uMalema kwiEFF