IPremier Soccer League imangalele i-Orlando Pirates neMamelodi Sundowns ngokusesikweni namhlanje. Oku kulandela ubundlobongela obenziwa ngabalandeli bala maqela emdlalweni obuseLoftus Stadium kwinyanga edlulileyo. Esi siganeko senzeka ngokuthi abalandeli bePirates bangene ebaleni kuba yayibethwa ngo’6-0 yiSundowns.
IPirates ibekwe ityala lokungalandeli umgaqo-siseko weNSL, ukungaziphathi kakuhle kwabalandeli abangena ngotshova ebaleni nabophula iimpahla okwakhokelela ekumisweni komdlalo.
ISundowns ibekwe ityala lokungakwazi ukuqinisa ezokhuselo kulo mdlalo nokwadala ukuba abalandeli bakwazi ukungena ebaleni, ukuphosa izinto ebantwini nasebaleni neqela elihambeleyo lakwazi ukomosha iimpahla ebaleni. Eli qela liphinde labekwa ityala ngenxa yokungaziphathi kakuhle kwabalandeli.
Omabini la maqela azakuvela ngaphambi kwekomiti elungisa iziphene yePSL (Premier League Disciplinary Committee) ngomhlaka we-09 kule nyanga.
Ukuwa kwaMapolisa, kuvula indlela yeWSU All Blacks!