Kwidabi ebelijongwe ngamehlo abomvu eLimpopo, iPolokwane City neBaroka FC zimhokamhokene neqanda [0-0] kumdlalo obubanda nkca okwempulo yenja eNew Peter Mokaba Stadium ngale njikalanga.

Ngoba iPolokwane isendaweni engcono kumanqwanqwa ePSL, abantu abaninzi bebecinga ukuba uyakuba ngumsebenzi ongekho nzima ukubetha iBaroka ezihambela nzima kwisizini yayo yokuqala kwiSPL. URodney Ramagalela, ifolosi yeCity ethenjiweyo ekwadume ngokubaleka kakhulu, ugxumise nje amatyeli aliqela ebengathi angafaka igowuli – kodwa akabuyanga nanto kwase kugqibeleni. IBaroka ize kulo mdlalo ifuna amanqaku amathathu nyhani kuba ihleli kwindawo yokugqibela kwiPSL.

Ukungasebenzisi elo bathwana lamathuba akwenzanga mashuko kwiBaroka FC. Okubaxolisayo abalandeli bePolokwane City kukuba ayiphulukanga namdlalo kwaye isephakathi kwamaqela asibhozo aphambili emva kokuqokelela amashumi amabini anesithandathu amanqaku. Yona iBaroka isajijisana nomsila kwaye akukho themba lokuguquka kwezinto nangona bekuke kwenziwa utshintsho lwabaqeqeshi.

Polokwane: 1. Chigova, 2. Semenya, 24. Hlongwane, 23. Tema, 4. Tshilo, 21. Seabi, 14. Manaka, 7. Jembula, 13. Segolela, 8. Maluleke, 17. Ramagalela.

Baroka: 30. Masuluke, 18. Mapetho, 35. Zikalala, 6. Shaku, 44. Garcia, 3. Mahashe, 24. Letsoalo, 5. Ravhuhali, 36. Kunene, 32. Motshegwa.