Iqela laseGcuwa lisecicini lokuzenzela imbali

Inye into
ejongwe yiButterworth FC kwimidlalo ezayo: ngamanqaku amathathu kuphela. Kulandela
emva kokuba iButterworth FC ingakwazanga ukufumana impumelelo kwimidlalo emithathu
edlulileyo. Idlale ntanganye neTornado ngo’0-0 kutshanje, yaze yabethwa ngo’3-1
yiPeace Makers – yaphindwa yiBizana Pondo Chiefs ngo’3-1 kwimidlalo ye-ABC
Motsepe League. Ngoku
ijonge ubuyisa isidima xa isamkela iSUBS kwibala laseWalter Sisulu University,
eGcuwa. ISUBS iza kulo mdlalo ihambela phezulu emva kokuba ibethe iMatta Milan yaseDutywa ngo’2-0
ngempela veki. Kwaye ihleli kwindawo yesithandathu kuluhlu lwamaqela eABC
Motsepe League ngamanqaku alithoba, emva kodlala imidlalo emihlanu ze
yaphumelela emithathu yabethwa kweminye.

Ukanti iButterworth
FC izihlelele emsileni ngamanqaku amahlanu kuphela. IBizana Pondo Chiefs ihleli
kwindawo yokuqala yona ngamanqaku alishumi elinesibini ebhodini, emva
kophumelela imidlalo emine yadlala ntanganye komnye. Kweminye imidlalo
yeMotsepe League, ngoLwesihlanu, iSibanye FC iza kusingatha iBush Bucks FC ngoMgqibelo
 iBizana Pondo Chiefs izakutyelela iPE Stars, iMatta Milan izakudlala
neHighbury FC, Yakha United iqubisane ne-Amavarara FC, The Guys idlale
neBirmingham City FC, iTornado isindleke iFuture Tigers lo gama uMthatha Bucks
uzakunyathelana nePeace Makers.

Iziphumo
zempela veki

Future
Tiger 1-1 The Guys

Peace
Makers 1-3 PE Stars

Amavarara
FC 1-2 Sibanye FC

Mthatha
Bucks 1-1 Tornado

Bush
Bucks 1-1 Highbury

Birmingham City 4-1 Yakha United