Umbutho olawula iqakamba eMzantsi Afrika, iCricket South Africa, izive ingenako ukuthi cwaka emva kokuba iProteas zivuthulule ilizwe lase-Australia kumdlalo wovavanyo obuseHobart.
Lo mdlalo weqakamba ophunyelelwe nguMzantsi Afrika ngendlela encomekayo ibingowesibini kolo chunge-chunge lwemidlalo elindelekileyo.
UMzantsi uphumelele ngemitsi elikhulu elinamashumi asixhenxe asixhenxe ePerth namangeno kanti eHobart uphumelele ngemitsi engamashumi asibhozo. “emva kakuhle kweqela lethu, asinawo amazwi okubulela abadlali bethu,” itshilo ingqonyela yeCSA uHaroon Lorgat.
“Iqela lethu liphulukene nokapteni walo * -AB de Villiers phambi kwale midlalo, laphinda lalahlekelwa ngumdlalo obalulekileyo, uDale Steyn. Ukuzimisela kwabadlali emdlalweni wabo kuko okwenze baqaqamba kule midlalo. Siyavuyisana nalo lonke iqela,” utshilo uLorgat.
Ukapteni obambeleyo,uFaf du Plessis nomqeqeshi uRussell Domingo bafanelwe kukuphakanyiswa emva komsebenzi omhle kangaka abawenzileyo. Ngoku silindele ukubamkela phambi kotyelelo lweSri Lanka,” uvale ngalo mazwi uLorgat.
Liyoyikisa izinga lokunyamalala kwamadoda eGqeberha!