iStellenbosch FC ayivumanga iChiefs ingene kwiTop 8

By
Pedro Mapelo
-

Nkosingiphile Ngcobo of Kaizer Chiefs challenged by Junior Leandro Mendieta and Ibraheem Jabaar of Stellenbosch FC during the DStv Premiership 2020/21 match between Kaizer Chiefs and Stellenbosch FC at FNB Stadium in Johannesburg on 06 April 2021 ©Muzi Ntombela/BackpagePix

Iqela lebhola ekhatywayo laseNtshona Koloni, iStellenbosch, libe ngumqobo namhlanje endlela yeKaizer Chiefs eya kwiTop 8. Emva kokubetha i-Orlando Pirates ngo’1-0 phambi kwekhefu leFifa neWydad Casablanca ngo’1-0 emdlalweni weCaf Champions League kwiveki ephelileyo, Amakhosi aye emdlalweni wanamhlanje ukuzithemba kufunqukile. Ngelishwa lawo, aye abambana neStellenbosch ngo’2-2 emdlalweni obutshisa bhe eFNB Stadium ngorhatya namhlanje.

Ingqungqumbana ekhutheleyo, uNkosingiphile Ngcobo, uphantse wasonzakalisa iStellies ngethuba ibhola yakhe ibetha epalini emizuzwini yokuqala kwisigaba sokuqala. Nakwelakhe icala uDaniel Akpeyi uye wasebenza ngethuba evala ibhola ebikhatywe nguStanley Dimgba. Kuyiwe kwixesha lokuphumla iStellenbosch sihamba phambili ngegowuli elifakwe nguNathan Sinkala ngentloko.

Emva kwemizuzu embalwa kwisigaba sesibini, uGavin Hunt ufake abadlali abafana noKhama Billiat, uLeonardo Castro noWillard Katsande. Umdlalo uye watshintsha, kwangoko kubekho iintshukumo. Amakhosi adlale umdlalo ongcono esebenzisa uSamir Nurkovic phambili. UCastro ufake ngentloko igowuli lokulinganisa emva kokufumana ibhola ebisuka kuReeve Frosler.

Ufake igowuli lesibini uPhathutshedze Nange emva kokuba uDaniel Akpeyi ephume epalini akayifumana ibhola. Emva kwemizuzwana, uNgcobo ufake elokulinganisa. Kude kwaphela ixesha kungekho qela elikwazileyo ukufumana igowuli lempumelelo. Umqeqeshi weStellies ugoduke ephoxekile ngoba abadlali bakhe bebenalo ithuba lokuphumelela umdlalo.

Kaizer Chiefs: Akpeyi, Frosler, Ngezana, Mathoho, Cardoso, Katsande, Parker, Ngcobo, Mashiane, Manyama, Nurkovic.

Amalalela: Khune, Mphahlele, Castro, Billiat, Baccus, Sasman, Kambole, Zuma, Matsheke.

Stellenbosch: Stephens, Macheke, De Goede, Robertson, Van Heerden, Van Rooyen, Jabaar, Sinkala, Du Preez, Dimgba, Mendieta.

Amalalela: Langeveldt, Mbekile, Brenner, Nange, Scott, Msengi, Johnson, Skelem, Mthethwa.

RELATED ARTICLESMORE FROM AUTHOR