Njengesiqhelo xa kudlalwa iNedbank Cup, amaqela ebhola ekhatywayo ngokwahlukana kwawo abulelene ukusukela izolo ukuza namhlanje. Omnye wemidlalo ekwakuthethwa ngayo ngobuphakathi kweMamelodi Sundowns neSibanye FC. Nakubeni bekulindelekile ukuba iSundowns iphumelele – kodwa ayiphumelelanga lula konke konke.
Kodwa ngoba emidlalweni yendebe into ebalulekileyo kukuphumelela, iMiguel Cardoso uzamkele ngovuyo iziphumo emva kokuba iSundowns ingombe iSibanye ngamagowuli amahlanu kwamabini emdlalweni obubanjelwe eLoftus Stadium ngorhatya lanamhlanje. UMalibongwe Khoza uyibeke endaweni entle ngegowuli iSundowns ngegowuli lakhe lokuqala kwiNedbank Cup.
Emva kwakhe uKhoza kulandele uTashreeq Matthews ngedemesha yamagowuli amabini elandelela. Kuyiwe kwixesha lokuphumla iSundowns ihamba phambili ngamanqaku amathathu eqandeni. Ngelo xesha iSibaya ibingenawo amandla okuvuka. Kodwa zijikile izinto kwisigaba sesibini emva kokuba iSibaya ifumene amagowuli amabini ayibuyisele emdlalweni.
Amagowuli wayo afakwe nguMojalefa Mokhatla noBoeletsang Rankali ashiye uRonwen Williams engakhokelwa ukuba nguye nyhani osokoliswa ziidyongo ezidlala kwinqanaba lebhola elisezantsi. Kodwa amagowuli amabini afakwe nguKomabelo Kodisang no-Arthur Sales aye aqinisekisa ukuba iSundowns iphumelela umdlalo ngendlela ecacileyo.
Kweminye imidlalo: iMarumo Gallants ibethe iPretoria Callies ngo’1-0 izolo. IChippa United ibethe iGolden Arrows ngo’2-1 emdlalweni obuseMpumalanga Stadium. Umvoti ubethwe yiBaroka FC ngo’3-0. Idlulele phambili nayo iCape Town Spurs ebethe iVenda FC ngo’3-1.
UMofokeng ufumene imoto ngenxa yokugqwesa kwakhe ebholeni