IMoroka Swallows ingakhawuleza ibuyele kwiPremier Soccer League. Ingakumbi ukuba iingxelo ezivele izolo zokuba eli qela linomdla wokuthenga iFree State Stars ziyinyaniso.
ISwallows kulindeleke ukuba idlale kwi-ABC Motsepe kwisizini ezayo, kulandela ukukhiqwa kwayo kwiNational First Division kwisizini ephelileyo. Ngokweengxelo ezivele izolo iSwallows neStars sele kulithuba zidibana kwiintlanganiso ezimayelana nalo mcimbi, kwaye isivumelwano kungafikelelwa kuso ukuba ayavumelana la maqela.
Umphathiswa wezemfundo eRhawutini uPanyaza Lesufi uyinxalenye yegqiza elimele iSwallows. Kudala bebamba iingxoxo namaqela ohlukeneyo kwiinzame zokuthenga indawo kwiPSL. Ngaphammbili uLesufi ebevakalisile ukuba sele bephakathi kwiingxoxo namaqela amabini, elinye kwiNFD elinye kwiPSL, kulo mcimbi wokufuna ukuthenga indawo. Sele lilinye iqela elithengiweyo kwiPSL oko kuvalwe isizini, emva kokuba uJohn Comitis ethenge iMpumalanga Black Aces.
UKopo wakha iChippa United eza kwenza iziqwenga kwiBetway Premiership