Namhlanje iChippa United kulindeleke yenze izibhengezo eziliqela.
Eli qela lizinze eBhayi libuyele kutshanje enkampini – apho liwa livuka lilungiselela isizini entsha ye-Absa Premier Soccer League.
Ngenxa yokungaqhubi kwayo kakuhle kwisizini egqithileyo, iChippa kunyanzelekile yenze iinguqu kwiqela layo nangenxa yabadlali abamkileyo. Esinye seziqwayi zabadlali ekulindeleke sibhengezwe ngokusesikweni nguKurt Lentjies osuka kwiMaritzburg United.
Lo mdlali kulindeleke avale indawo eshiywe nguThamsanqa Sangweni otyikitywe yi-Orlando Pirates kutshanje. Kuvakala iindaba ezithi uJames Okwuosa abuyele kwiChippa emva kokoyiswa kwiBucs.
Abadlali aboyanyaniswa neChippa United ngemboleko baquka uMoeketsi Sekola osuka kwiHighlands Park ethotyiselweyo, uMahlatse Makudubele noGift Motupa abasuka kwiPirates.
Kwisizini entsha, iChippa United, izakudlalela eBhayi naseMonti njengesiqhelo – kodwa kunokwenzeka kubekho imidlalo eliqela eSisa Dukashe Stadium.
IBig Brother Mzansi iza kuqala ngoJanuwari