Izakuntywila emalini iMamelodi Sundowns

Indlela izinto eziyihambela ngayo iMamelodi Sundowns kwezi ntsuku ingqina intetho ethi, “Imali iva enye”.

Ekuqaleni kwale sizini iSundowns ifumene iR800 000 kwiMTN 8 emva kokuphuma kwimidlalo ephambi kwamagqibela kanqoyi.

Kuthe emva koko iDowns yafaka engxoweni imali engaphaya kwezigidi ezine [R4 25 million] ngokuphumelela iTelkom Knockout eyabetha kuyo iKaizer Chiefs ngo’3-1 eMoses Mabhida Stadium kunyaka ophelileyo.

Kanti kwiNedbank Cup ekhutshwe kuyo kutshanje iSundowns yi-Orlando Pirates, kulindeleke ifumane amashumi amane amawaka [R40 000].

Kwiveki edlulileyo Abafana Be Style baphinde bandisa imali abaza kuyifumana ngokuphumelela indebe ye-Absa Premier Soccer League emva kokubetha i-University of Pretoria ngo’3-0 kutshanje eTuks Stadium, ePitoli.

Ngomhla wamashumi amabini ananye iMamelodi Sundowns izakufumana izigidi ezilishumi [R10-million] emva kokudlala nePlatinum Stars eLucas Moripe Stadium.

Akuphelelanga apho ngoba izakufumana nezinye izigidi ezithathu [R3-million] emva kokuphumelela izihlandlo ezithathu iQ Innovation yePSL.