Izinto zibahambele kakubi aBafana Bafana kwakhona

By
Pedro Mapelo
-
Marcio Ravelomanantsoa of Madagascar challenged by Siphesihle Ndlovu and Aubrey Modiba of South Africa during the 2018 COSAFA quarter finals match between South Africa and Madagascar at Peter Mokaba Stadium, Polokwane on 03 June 2018 ©Samuel Shivambu/BackpagePix

Abalandeli
beqela lesizwe loMzantsi Afrika bashiyeke bethe khunubembe kwakhona namhlanje.
ABafana Bafana benze into abadume ngayo ngethuba bekhutshwa yiMadagascar ngo’4-3
kumapenela kumdlalo weCASAFA Cup ngenjikalanga yanamhlanje ePeter Mokaba
Stadium. Amashumi alithoba emizuzu iphelile lingekho iqela elikwazileyo
ukubhalisa ebhodini. Ukubethwa kweBafana Bafana zindaba ezimbi kumqeqeshi,
uStuart Baxter, emva kokubukela abadlali bakhe bebhutyuza amathuba amaninzi
emdlalweni. Nangona bekunjalo belikhona ithemba ngethuba iBafana Bafana
ikhokela ngeepenela ezimbini emva kokuba unozinti, uReyaad Pieterse, ekwazile
ukuvala iipenela zeMadagascar ezimbini.

Iifolosi zaBafana Bafana – uLuther Singh noLebohang Maboe, zitshintshiselene ngokuphosa amathuba
kwiziqingatha zozibini phambi kokuphela komdlalo – ngelishwa kude kwase kugqibeleni
ngekho gowuli ebhodini. Umdlalo ubusezandleni zabadlali boMzantsi Afrika –
kodwa into ekwazileyo ukuyenza kakuhle iMadagascar kuvala emva kude kube
sekugqibeleni. Ukubethwa koMzantsi Afrika kuthetha ukuthi uphuma zisuka
kwiCOSAFA ebekukho ithemba lokuba iyakuthi ibe liqonga lokulola abadlali
abasebatsha abayakuthi babeyinxalenye yeqela eliya kwindawe ye-Afrika ezayo.

South Africa: Pieterse, Xulu,
Modiba, Fielies, (Foster 85’), Madisha, Makaringe, Maboe (Webber 85’), Singh,
Ndlovu, Moon, Motupa (Mosiatlhaga 46’).

Amalalela:  Bvuma, Khubeka,
Ngezana, Mako, Meyiwa, Mosiatlhaga, Links, Webber, Foster.

Madagascar: Leda, Bourah, Toby,
Johny, Ando, Mario, Nasandratra (Lalaina 89’), Baggio, Mikka, Mario, Dax.

Amalalela: Tafarel, Toky,
Theodin, Lalaina, Mirado, Patrick, Lolody.

 

RELATED ARTICLESMORE FROM AUTHOR