Umqeqeshi weefolisi kwiEmirates Lions, uSean Erasmus, uthi bazimisele ukulungisa iimpazamo abezenzileyo kwiminyaka edlululeyo. ILions ibethwe amatyeli amathathu kumdlalo wamagqibelakankqoyi eSuper Rugby kwaye iphakathi kwamaqela aza kuthatha inxaxheba kwimidlalo yeSuperhero Sunday eza kubanjelwa eFNBStadium. ILions ingquzulana neVodacom Bulls ngentsimbi yesithathu emva kwemini. UErasmus uthi umdlalo uza kufika iqela lakhe liqule laligangatha. “Siwujonge ngamehlo abomvu umdlalo. IBulls liqela elikhulu, ukudlala nayo kuza kusinceda kumalungiselelo ethu eSuper Rugby,” utshilo uErasmus.
Le ndedeba ikholelwa kwelokuba ukudlala neBulls kuza kubanceda babone izinto ezifuna ukulungiswa phambi kweSuper Rugby. “Uza kusinceda sijonge izinto ekufuneka sizilungisile phambi kweSuper Rugby. Enye into entle ngalo mdlalo kukuba iBulls inabalandeli abaninzi. Kubalulekile ukudlala phambi kwebalandeli abaninzi ngoba sinabadlali abaselula,” Utshilo uErasmus. Ephefumla ngokubethwa kwimidlalo yamagqibelakankqoyi emithathu , uErasmus uthethe wenjenje: “Kubuhlungu ukubethwa kumdlalo wamagqibelakankqoyi, ingakumbi ukubethwa amatyeli amaninzi. Kodwa sizimisele ukulungisa iimpazamo zethu kulo nyaka. Ndiyakholelwa kubadlali bethu abatsha nekudala sinabo. Kuninzi esikufundileyo siliqela.”
Omnye umdlalo kwiSuperhero Sunday, iCell C Sharks iza kuvana amandla neDHL Stomers ngentsimbi yokuqala. ILions iphulukene nemdlalo yamagqibelakankqoyi ngonyaka ngo-2016, ngo-2017 nango 2018. Kumdlalo wokuqala weSuper Rugby, iLions iza kundendwela iJaguares yase-Argentina ngomhla wesibini kweyoMdumba. Kwimbali yetumente, yiBulls kuphela ekhe yaphumulelela kumaqela aseMzantsi Afrika. Iyiphumelele amatyeli amathathu (2007, 2009 no 2010). Kumdlalo wokuvula itumente, iBulls indwendwela iSharks ngomhla wamashumi amathathu ananye eThekwini. Omnye umdlalo kwiSuperhero Sunday, iCell C Sharks iza kuvana amandla neDHL Stomers ngentsimbi yokuqala.
UDanny Jordaan uphawula ngekamva likaDesiree Ellis